རྒྱལ་གཅེས་ཆབ་སྲིད་བཙོན་ཟུར་ཨ་མ་ཨ་བདེ་ལགས་ཉེ་ཆར་རྐང་པ་རྡབ་སྐྱོན་བྱུང་ནས་སྨན་ཁང་བསྟེན་གཏུགས་བྱེད་དགོས་བྱུང་བ་དང། དེ་རིང་འདི་ག་ཚོགས་པའི་ཚོགས་གཙོ་ངག་དབང་ཁྲི་རལ་དང། ཚོགས་གཞོན་ཟླ་བ་བཀྲིས། དྲུང་ཆེ་རྒྱལ་ཐང་རིན་པོ་ཆེ།དངུལ་གཉེར་པདྨ་ཚེ་དབང་ཁོང་གི་གཟིམ་ཁང་དུ་འཚམས་འདྲིར་ཆེད་བཅར་ཞུས་པ་ཡིན། གཞི་རྩའི་ཆ་ནས་ནད་གཞི་དྲག་སྐྱེས་བྱུང་བ་དང། དགུང་གྲངས་ ༩༢ ལ་ཕེབས་ཟིན་ཀྱང་ད་དུང་ཁོང་གི་རིག་པ་ཧ་ཅང་གསལ་ལ་རྒྱལ་གཅེས་ཀྱི་བསམ་བློ་དང་ལྷག་བསམ་དག་པོས་ངེད་རྣམས་ལ་བོད་བསྟན་སྲིད་མི་རིགས་ཀྱི་ཆེད་མུ་མཐུད་ནས་འབད་བརྩོན་བྱེད་དགོས་པའི་སྐུལ་མ་དང་སློབ་གསོ་གནང་བྱུང་བས། ཁོང་དང་ཁོང་ལྟ་བུའི་རྒྱལ་གཅེས་དཔའ་བོ་འདས་གསོན་རྣམས་ཀྱི་སློབ་གསོ་ནི་རིན་ཐང་བྲལ་བའི་རྩ་ཆེའི་ནོར་བུ་ཞིག་ལ་ངོས་འཛིན་ཞུ་བཞིན་ཡོད།
